دائمًا بداية أي اسبوع بتكون صعبة، بتبدأ تحسب كم التاسكات اللي عليك في الشغل، كم المحاضرات اللي بتحضرها، وازاي هتصمد للنهاية وتبدأ تفكر لكل ده و موسيقى المال والبنون هي الموسيقى التصويرية لكل حدث تتخيله. لكن الإسبوع ده مختلف، وحقيقي هتتمنى إنه ميخلصش لأنه إسبوع المزيكا في مسرح الزمالك.
مسرح الزمالك عامل ملحمة من المزيكا، ١٧ فرقة ومطرب في ٨ حفلات بألوان موسيقية متنوعة. وإحنا بنقولك ليه لازم متفوتش إسبوع زي ده.
١- بسم الله الرحمن الرحيم، عامل المفاجأة. أسبوع المزيكا مش هيقتصر على الفرق اللي أعلنوا عنها، أولها إن نجم الأغنية الشعبية محمود الحسينى هيشارك الوايلي المسرح في الإفتتاح. وكده لسة بيقولوا يا هادي.
٢- لاين أب لا يقاوم، من روك، لشعبي، لراب، لإلكترونيك، هتلاقي المزيكا اللي بتحب تسمعها مهما كانت.
٣- أكيد الفترة الأخيرة صحابك / أهلك / البقال بيقولوا لك “لازم تحاوط نفسك بـ POSITIVE VIBES.
٤- مين عاقل يفوت فرصة إنه يحضر حفلة لرضا البحراوي؟
٥- فِي أغانى جديدة هتتلعب لأول مرة لايف، ودي تبقى فرصة إنك تكون حافظ الأغانى من قبل ما تنزل وتفليكس بيها على صحابك.
٦- انت في وسط الزمالك، يعني مش هتشغل بالك بالمسافات.
٧- بروفايل إنستجرام بتاعك محتاج صور حفلة جديدة.
٨- مسرح الزمالك مساحة آمنة جدًا، هتعيش أسبوع بلحظات جميلة مليانه رقص وغناء وتنطيط.
٩- متقلقش لو رايح لوحدك، هتلاقي أكيد ناس بتحب نفسك المزيكا اللي بتحبها وهتبقوا صحاب.
١٠- ايه ده! بعد كل ده ولسه مقتنعتش ومستني سبب عاشر؟
يلا احجز التذاكر من موقع تيكتس مول أو من شباك تذاكر مسرح الزمالك وفروع وفورى بلس.
