عودة مسرح الزمالك بـ ٣ حفلات

بعد توقف مؤقت، يستعد مسرح الزمالك للعودة مرة تانية في موسم حفلات الصيف.

يعتبر مسرح الزمالك من أشهر المسارح المصرية، وشهد في الخمسينات والستينات حفلات لكبار المطربين زي أم كلثوم، وتم إعادة افتتاحه مرة تانية مع بداية عام ٢٠٢١ لإحياء سلسلة من الحفلات الموسيقية والعروض المسرحية. توقف المسرح في شهر ابريل اللي فات بعد مهرجان “إسبوع المزيكا على مسرح الزمالك” واللي حققت نجاح كبير وقدرت تجمع ألوان مزيكا متنوعة، ويعود من تاني بـ ٣ حفلات موسيقية استعدادًا لموسم الصيف.

الحفلة الأولى يوم ٣٠ يوليو مع مولوتوف والوايلي ودي جي توتي، الحفلة الثانية يوم ١ أغسطس واللي هيكون فيها عنبه للمرة الثالثة على مسرح الزمالك، الحفلة الثالثة يوم ٤ أغسطس هشتهد زيارة لفريق أوتوستراد لمصر بعد تأجيل حفلهم بالمسرح واللي كان من ضمن مهرجان “إسبوع المزيكا على مسرح الزمالك”، ومتاح للجمهور حضور الحفل بنفس تذكرة الحفلة التي تم تأجيلها في إبريل اللي فات.