دينا الوديدي صوت جميل و سيرة ذاتية مميزة تحدثت عن رحلتها الخاصة لإستكشاف موهبتها في ما هو أكثر من الغناء ضمن سعيها انها تكون فنانية مستقلة متكاملة. المشروع من إخراج منة الديابي المخرجة معروفة دايماً بسعيها لتسليط الضوء على صناع الموسيقى المستقلة خصوصا الفنانات.
“دلوقتي أنا بستكشف حتة being a musician و أشوف دي هتاخدني فين, ممكن حتى توديني في حتة برا الغنا شوية.”
مع الوقت مفهوم مهنة الموسيقي بيتملكها أكتر و أكتر و بستعى دايماً للتوغل و الوصول لأبعاد جديدة, فـ صرحت أن من أهدافها إنتاج ألبوم instrumental كتجربة بتطلع ليها في المستقبل.
بدأت دينا في التعامل مع صوتها على انه عبارة عن أداة تستعملها في أكتر من مجرد غناء كلمات الأغنية, زي ما عازف الجيتار بيستعمل أداته في صناعة أكتر من لون موسيقي.
من وجهة نظرها إن الفنانات دايماً بيحتاجوا وقت أكتر لإثبات نفسهم و مش من السهل إبراز ما عندهم من مواهب وأفكار للمجتمع, دي أحد الأسباب اللي شكلت لها عقبة في بدايتها على حد قولها.
إتكلمت دينا عن بدايتها أكتر و إزاي كانت شديدة الاهتمام بإنتاج الأغاني اللي ليها معنى و دلالة للعالم الخارجي و بتلمس الناس انما حالياً تركيز دينا كله هو على إخراج موسيقى تعبر عن نفسها في المقام الأول و عن عالمها الداخلي.
“بحب اللي بعمله و عندي شغف تجاهه, حاسه إني لسه مكتشفتش حاجات كتيرة و حاسه إن العالم واسع.”
2022 كانت سنة مهمة جداً لـ دينا الوديدي شوفنا و سمعناها بألوان مكناش متعودين عليها قبل كده, أصدرت أعمال من مختلف الأنواع و بتعاونات مع أطياف مختلفة من صانعي الموسيقى و يمكن أبرزهم أغنيتها الأخيرة “وصول”
