صداقات البنات دايما بيكون فيها دعم وحب ومشاركة فى الافكار و لمشاعر، جمعنالك بعض المسلسلات اللى اتكلمت عن نماذج صداقة بين البنات كانت عنوان للمحبة و التضامن فى الفرح والحزن.
حلاوة الدنيا
مسلسل اجواءه مميزة و بيتكلم عن اهمية العلاقات و دورها فى الدعم لكن اكتر علاقة مميزة فى المسلسل كانت علاقة الصداقة بين سارة وأمينه (حنان مطاوع و هند صبرى) واللى كانت مليانه دعم وتقبل ومشاركة فى الاوقات الصعبة.
المسلسل من بطولة هند صبرى وظافر العابدين وحنان مطاوع ومن إخراج حسين المنباوى.
اين قلبى
المسلسل اتكلم عن صداقة مميزة جدا بين اتنين حايتهم مختلفة تماما هم “فاتن” اللى فقدت زوجها وبتكون مسئولة عن ابنائها والدها و بترفض الزاج مرة تانية و”وصال” البنت الغنية اللى مش متجوزة اللى بتحاول تحقق احلامها فى الحياة.
المسلسل بطولة يسرا وعبلة كامل ومحمود قابيل ومن إخراج مجدى ابو عميرة.
حكايات بنات
مسلسل قدم صداقة بين مجموعة بنات مختلفين عن بعض فى الافكار والأحلام والمشاكل اللى بيواجهوها فى حياتهم لكنهم بيقدموا الدعم لبعض و بيشاركوا لحظات مميزة فى حياتهم.
المسلسل بطولة دينا الشربينى وحورية فرغلى وصبا مبارك وريهام امين ومن إخراج حسين شوكت.
طريقى
مسلسل بيدور فى السبعينات و بيحكى عن بنت بتواجه مشاكل كتير فى طريق تحقيق حلمها فى الغنا لكنها بتتعرف على بنات فى المدرسة بيكونوا صداقة عمرها وبيمروا بمواقف كتير صعبة لكن صداقتهم مش بتتأثر بل بالعكس كل ما بيمر الوقت بيكونوا اقرب لبعض.
المسلسل بطولة شيرين عبد الوهاب وسوسن بدر وأحمد فهمى ومن إخراج محمد شاكر خضير.
لأعلى نسبة مشاهدة
المسلسل بيحكى عن بنت من عائلة بسيطة بتواجهها مشاكل كتير بعد ما بتتشهر على التيك توك و بنشوف فى المسلسل صديهتها سحر وهى بتساعدها انها تنجح و تتشهر وكمان لما بتقف جمبها لما بتتعرض لمشاكل فى وقت الكل بيرفض انه يساندها
المسلسل من بطولة سلمى ابوضيف وانتصار ومحمد محمود ومن إخراج ياسمين احمد كمال.
أحلى الاوقات
الفيلم بيحكى عن سلمى البنت اللى والدتها توفت ورفضت بعدها العيش مع زوج والدتها و بتروح لمنطقتها فى شبرا وبسبب جوابات غامضة بتجتمع بأصدقائها من الطفولة يسرية وضحى و بيستعيدوا ذكرياتهم مرة اخرى.
الفيلم من بطولة حنان ترك وهند صبرى ومنة شلبى ومن إخراج هالة خليل
بكيزة وزغلول
المسلسل بيحكى عن بكيزة اللى وقت وفاة جوزها بتكتشف انه عنده بنت اسمها زغلول والاتنين بعد سداد ديون عشماوى مش بيكون فاضل ليهم غير البيت و بيحاولوا الاتنين انهم يتأقلموا و يتخطوا المشاكل اللى بيواجهوها.
المسلسل بطولة سهير البابلى وإسعاد يونس ومن إخراج أحمد بدر الدين
بنتين من مصر
الفيلم بيحكى عن بنتين اولاد عم بيواجههم مشاكل فى تأخر الزواج ووصمة المجتمع ليهم إلا انهم بيفضلوا جمب بعض و بيساندوا بعض لتجاوز الموقف.
الفيلم من بطولة زينة وصبا مبارك ومن إخراج محمد أمين
كلم ماما
الفيلم بيحكى عن شاب و بنت بيحبوا بعض و عايزين يتجوزوا لكن بيقف فى طريقهم شرط اللى بتحطه والدتها ان ينجح فى دراسته لكن الزواج محتاج فلوس ف بيساعدها اصحابها وبيعملوا خطط علشان يساعدوها تجمع فلوس لاتمام الزواج.
الفيلم من بطولة عبلة كامل وحسن حسنى ومنة شلبى ومى عز الدين ومن إخراج أحمد عواض
فيلم بنات وسط البلد
الفيلم بيحكى عن بنتين اصحاب بشتغلوا فى منطقة وسط البلد وبيخوضوا سوا رحلة البحث عن الحب الحقيقى فى حياتهم.
الفيلم من بطولة هند صبرى ومنة شلبى ومن إخراج محمد خان.
