بعد سلسلة من الإصدارات الفردية، بدأت دنيا وائل اتخاذ خطوة جديدة في مسيرتها بإصدار ألبوم مصغر بعنوان “طريق طويل” واللي بتتعاون فيه مع الوايلي.
بدات دنيا وائل دخول المشهد بأغنية ” مش بعيد” من إنتاج حاتم شرباصي واللي كانت مفاجأة للجمهور، وبعد سنة من إنتاج أول أغنية لها ظهر لون دنيا وائل الحقيقي وهو “مسرح الجريمة” بالتعاون مع الوايلي، واللي قدرت تظهر بيه بإسلوب مختلف يجمع بين صوت البوب وإيقاعات المهرجان، وبشر بمسيرة قوية لدنيا.
على مدار ٢٠٢١ قدرت دنيا وائل مع الوايلي خلق قاعدة جماهيرية كبيرة، نتيجة للانسجام اللي قدروا يحققوه سوا، وخلق أصوات مختلفة بين موسيقى البوب واللو فاي وإيقاعات المهرجان الخاصة بـ الوايلي وصوت دنيا وائل المميز جدًا. قدروا سوا يصنعوا أغاني حققت نجاح زي “العسل” و “بيكيا”.
خطوة قوية بتاخدها دنيا وائل بإصدار أول ألبوم مصغر لها “طريق طويل” واللي حاليًا متاح على كل المنصات، الألبوم مكون من ٤ أغاني، “القاهرة – طريق طويل – عكس عكاس – امبارح”، كل أغنية فيهم هتحس بيها انك في رحلة مختلفة وبالذات مع المحتوى البصري للفيدوهات المصورة لكل أغنية، وبنشوف من الوايلي تركيز أكثر على سنثات الإلكترو بوب والتقليل من إيقاعات المهرجان.
