حب البنات
بتدور أحداث الفيلم عن ٣ أخوات من الأب بعد وفاة الأب بيضطروا يعيشوا في بيت واحد لمدة سنة علشان يقدروا يستلموا الميراث حسب وصية الأب، وبيتجمعوا في بيت واحد وبتبدأ أمراضهم النفسية في الظهور وبيكتشفوا في النهاية أن الحب دواء.
الفيلم بطولة ليلى علوى، هنا شيحة، حنان ترك، اشرف عبد الباقى، احمد عز، احمد برادة، تأليف نهاد عبد العزيز محمود (قصة) تامر حبيب (سيناريو وحوار) ،ومن إخراج خالد الحجر.
أحلى الاوقات
بتدور أحداث الفيلم عن سلمى اللى بترجع تعيش في بيتها القديم بعد وفاة والدتها لرفضها انها تعيش مع زوج والدتها وبيوصلها جوابات مجهولة وبتبدأ رحلة البحث عن صاحب الجوابات وبتقابل تانى أصدقاء طفولتها ضحى ويسرية وبيبدأوا رحلة يستعيدوا فيها ذكرياتهم.
الفيلم بطولة منة شلبى، حنان ترك، هند صبرى، عمرو واكد، تأليف هالة خليل (القصة) وسام سليمان (سيناريو وحوار) ، ومن إخراج هالة خليل.
عريس من جهه امنية
بتدور أحداث الفيلم عن خطاب النجارى صاحب بازار وبيكون متعلق جدا ببنته وبيحاول يبعد عنها اى عريس بيتقدم ليها لحد ما بتعجب بظابط أمن دولة وبتتجوزه وبيطاردهم أبوها في كل مكان.
اللى بيكون قدم مساعده لوالدها فى احد الاقسام قبل كده و بالرغم من العقبات اللى بيحاول يحطها والد حبيبة إلا ان الضابط طارق بيجتازها و بيتجوز بنته. عجب بضابط أمن دولة (شريف منير) وتتزوجه ولكن والدها يطاردهما في كل مكان.
الفيلم بطولة عادل إمام، حلا شيحة، شريف منير، لبلبة ،تأليف يوسف معاطى ،إخراج على إدريس.
فول الصين العظيم
بتدور أحداث الفيلم عن محى الشرقاوى اللى أسرته عصابة تهريب لكنه بيكون جبان وبيهرب ويروح لوالدته وبيساعده زوج والدته انه يسافر الصين فى مسابقة طبخ وهناك بيواجه مواقف كتيرة كوميدية.
الفيلم بطولة محمد هنيدى، كامالا كامبونا، محمد شومان، حجاج عبد العظيم، سليمان عيد ، تأليف شريف عرفة (قصة) وأحمد عبد الله (سيناريو وحوار) ،إخراج شريف عرفة.
خالتى فرنسا
بتدور أحداث الفيلم عن فرنسا اللى بيعيش معاها بنات اختها بطة ووزة وبتشتغل ندابة وبتساعدها بطة) لكن وبشرط ان اختها وزة تكمل تعليمها ومتشتغلش زيهم فى المجال ده وبتتوالى الأحداث.
الفيلم بطولة عبلة كامل، منى ذكى، عمرو واكد، طلعت زكريا، تأليف بلال فضل، إخراج على رجب.
تيتو
بتدور أحداث الفيلم عن تيتو اللى بيقتل امين شرطة في طفولته وبيدخل الاصلاحية وبعد خروجه منها بيتورط فى عمليات لحساب ظابط فاسد رفعت السكرى ولكنه بيحاول ييبدأحياة جديدة بعد ما بيقابل رجل الاعمال فارس وبيقع فى حب نور وبتتوالى الأحداث.
الفيلم بطولة أحمد السقا، حنان ترك، خالد صالح، عمرو واكد، تأليف طارق العريان (قصة) محمد حفظى (سيناريو و حوار)، إخراج طارق العريان.
الباشا تلميذ
بتدور أحداث الفيلم عن بسيونى عبد السلام بسيونى ظابط بيستلم مهمة انه يكشف عن عصابة لتجارة المخدرات فى واحدة من الجامعات الخاصة فبيتنكر كطالب ويدخل فى شلة الجامعة علشان يوصل للعصابة.
الفيلم بطولة كريم عبد العزيز، غادة عادل، حسن حسنى، خالد الصاوى، محمد رجب، رامز جلال، تأليف بلال فضل، إخراج وائل إحسان.
سنة أولى نصب
بتدور أحداث الفيلم عن خالد و أحمد بيعانوا من البطالة فبيقرروا يروحوا الغردقة وينصبوا على السيدات الكبار فى السن لكنهم بيتعرفوا على بنتين وبيقعوا فى حبهم وبيقرروا يوقفوا نصب ويفتحوا مشروع سياحى حقيقى.
الفيلم بطولة خالد سليم، احمد عز، داليا البحيرى، نور، حسن حسنى، تأليف سميرة محسن، إخراج كاملة أبو ذكرى.
