دليلك لأشهر مسلسلات الجريمة

مسلسلات الجريمة المصرية، مش بس دراما، دي رحلة في الغموض والتشويق والتحقيقات و هنا جمعنالكم اشهرهم.
الميزان
المسلسل بيتكلم عن المحامية نهى اللى بتدافع عن موكلها (شريف مختار) فى قضية قتل لزوجته لكنها بتخسر القضية و بتكتشف بعدها اسرار عن حياتها.
تأليف باهر دويدار وإخراج احمد خالد موسى
الصياد
المسلسل بيحكى عن شاب فى احد الاجهزة الامنية بتحصله مشكله تمنعه من انه يكمل فى شغله. لكن احد زمايله بيحتاجه فى حل قضية و بيساعدهم فى كشف غموض القضية.
تأليف عمرو سمير عاطف و إخراج احمد مدحت
وش تانى
المسلسل بيتكلم عن كواليس رجال الاعمال و علاقتهم بالسلطة من خلال رجل الاعمال اللى بيهرب بثروته خارج البلاد و شاب من الطبقة المتوسطة بيشتغل حارس امن لرجال الاعمال علشان يساعد والده.
تأليف وليد يوسف و وائل عبد الله و إخراج وائل عبد الله
سفاح الجيزة
المسلسل مأخوذ من قصة حقيقية عن قاتل متسلسل قام بالعديد من جرائم القتل فى المنطقة التى يسكنها من غير ما يشك فيه حد.
تأليف محمد صلاح العزب و إخراج هادى الباجورى
منعطف خطر
المسلسل بيتكلم عن (سلمى الوكيل) المشهورة جدا على التيكتوك و اللى بيلاقى البوليس جثتها فى عربية (خالد يحيى) المرشح لرئاسة نادى جماهيرى كبير و بيبدأ التحقيق.
تأليف محمد المصرى و إخراج سدير مسعود
تحقيق
المسلسل بيحكى عن رواية بتستفز 5 اشخاص للقيام بجرائم تحقق توازن فى حياتهم و بيبدأ هشام قراءه الرواية و محاولة فك طلاسمها.
تأليف محمد الدباح و إخراج محمد فتحى
جراند اوتيل
المسلسل احداثه بتدور فى خمسينيات القرن اللى فات لما بيقرر على انه يروح يشتغل فى فندق فى اسوان علشان يحقق فى الاختفاء المريب لاخته اللى كانت بتتغل فى نفس المكان.
تأليف تامر حبيب و إخراج محمد شاكر خضير
حجر جهنم
المسلسل بيحكى عن 3 سيدات بيخططوا لقتل ازواجهم لكن بعد التنفيذ بيكون واحد من الازواج لسه عايش و بيبدأ يطاردهم علشان ينتقم.
تأليف هالة الزغندى و إخراج حاتم على
حق ميت
المسلسل بيحكى قصة المحامى (نادر مصطفى كمال) اللى بيتهم ظلم بقتل و خطف 4 سيدات و فى طريقه لاثبات براءته بينتقم من اللى ظلموه.
تأليف باهر دويدار و إخراج فاضل الجارحى.