احنا حاليًا في نص 2022 ومفيش اجمل إن احنا نحتفل ببداية النص التاني بويك إند مليان حفلات، إحنا هنقول لكم تروحوا فين.
النهاردة الخميس، هتلاقوا حفلة Electric Thursday المعتادة في كايرو جاز كلوب 610 بالشيخ زايد والمرة دي هنسمع من Loulii و Cox مزيكا هاوس وبعد كده Sebzz بتراكاته المميزة ، أما في كايرو جاز العجوزة هيكون في ميكس بين ألوان مزيكا كتير في Thursday Night Live وهنسمع Egyptian Project و Tahini Talk و MotherFunkers.
 |
 |
نروح لـ The Tap وهتلاقي Auguizi في The Tap West محضر هيتات البوب اللي كلنا بنحبها وفي The Tap East هنسمع أهم اغاني العظيم جيمس براون من Jiggy Band، ولو عايز حاجة مختلفة يبقى The Tap Maadi واللي محضر سهرة جاز لاتيني من Cocoon Band.
 |
 |
 |
وعلى مسرح النهر في ساقية الصاوي هنسمع وصلة من المدائح التراثية الصوفية والذكر، مع فرقة الجازولية للإنشاد الصوفي.
ننتقل للجمعة واللي هيكون دسم. حفلتين في ساقية الصاوي، الأولى مع علي الهلباوي وأهم أغانيه زي قل للمليحة ومرسال على مسرح النهر، والثانية مع محمد سواح و سهرة اخر روقان اغاني ومزازيك طرب ورومانسية في قاعة الحكمة.
مش لازم تستنى لحد ما بينك فلويد يجوا مصر لأن ممكن تحضر ليلة لبينك فلويد من بارانويد ايز في روم آرت سبيس جاردن سيتي.
اتوبيس السهرة رجع من تاني مع رامي دجانكي في كايرو جاز 610 ووصلة من أهم أغاني التسعينات المصرية وكمان هيكون في ضيف مفاجأة، وفي كايرو جاز العجوزة الـ DJ الألماني Lexer مع Fade Republic في Closed Curcuit وليلة كلها تيكنو.
 |
 |
دايمًا يوم الجمعة في The Tap بيكون مميز ومليان مزيكا، في The Tap East هنستمتع بصوت وموسيقى شادي أحمد في وقت الفطار، ونختم اليوم بـ AWE اللي هيقدموا هيتات البوب المشهورة بلمسة إلكترونيك. أما في The Tap West هنسمع كلاسيكيات الروم من Double Trouble وبليل مع أعظم أغاني بينك فلويد مع أندروميدا.
 |
 |
 |
 |
نختم بيوم السبت وهنفارق فيه الويك إند، الصوت الجميل أحمد على الحجار هيطربنا في حفلة جديدة في رووم آرت سبيس جاردن سيتي، وكمان في ساقية الصاوي حفل إنشاد ديني بيقدمها الأخوة أبو شعر.
 |
 |
في كايرو جاز كلوب العجوزة هتلاقوا لوكا والبطيخ هتسمعوا منهم مزيكا إندي فولك جميلة وبترقص وكمان هيكون معاهم عازف العود علي عيسى واللي هيقدم مشروع الموسيقي “حانة جودة”، ولو من محبي موسيقى الميتال هتلاقي في كايرو جاز كلوب 610 النسخة الأولى من مهرجان Metal Roar واللي هيضم 3 من أفضل فرق الميتال المصرية وهما (Mythos – Erasing Mankind – Crescent).
 |
 |
