رجوع Sole DXB مرة تانية، المهرجان اللي بيحتفل بالشباب والثقافة المعاصرة وبيقام في الإمارات، وده في أيام ٨ لـ ١٠ ديسمبر في دبي ديزاين ديستريكت (d3)، و من المتوقع تقديم لاين أب ضخم من الهيب هوب. وأعلن Sole DXB في نسخته ٢٠٢٣، عن شراكته الرسمية مع شركة Mass Appeal للترفيه، اللي بيتم دعمها من الرابر العالمي Nas، علشان يحتفلوا بمرور ٥٠ سنة على ثقافة الهيب هوب في العالم العربي.
ثقافة الهيب هوب تطورت جدًا من وقت بدايتها وكتير بيعتقدوا إنها وصلت دلوقتي لأعلى مستوياتها في العالم الثقافي، وكونها حركة عالمية غيرت مسار حياتنا ورؤيتنا للعالم.
مبادرة ٥٠ سنة هيب هوب التي أطلقتها Mass Appeal، بتحتفل بثقافة الهيب هوب من خلال الأفلام والفعاليات التفاعلية والموسيقى وغيرها. Sole DXB بتتعاون مع Mass Appeal علشان يقدموا تجربة المهرجان كله. Nas، اللي قدم العرض الرئيسي في Sole DXB في ٢٠١٨، أعلن إنه متحمس جدًا للشراكة دي، وعن سعادته بتجربة المهرجان للاحتفال بمرور ٥٠ سنة على ثقافة الهيب هوب من خلال شراكة Mass Appeal.
Sole DXB معروف بفاعلياته المتنوعة، زي الحفلات الموسيقية، عروض الموضة، عروض الأفلام، الندوات، ورش العمل، وبطولات رياضية. وكمان مكان أساسي لأشهر الماركات في العالم، وشارك فيها أكتر من ٨٠ فنان، مصمم، متحدث، وماركة في نسخة ٢٠٢٢ وحدها. أكتر من ٣٣،٠٠٠ واحد حضروا من أكتر من ٨٥ دولة، وكان بين الفنانين Wu-Tang Clan و Jorja Smith و Koffee و Sho Madjozi و Stormzy و Petra Collins و مروان بابلو، و كتير غيرهم.
الثقافة العربية فيها تاريخ كبير في الهيب هوب، والهدف من الشراكة دي إنهم يحتفلوا بالتاريخ ده ويعرضوه على أكبر عدد من الناس. ٥٠ سنة هيب هوب هتكون مناسبة تاريخية وSole DXB هو المهرجان الأمثل لتحقيق دا. بفضل اتصاله بالثقافة المعاصرة والشباب.
