أصدر باند الروك الشهير “بينك فلويد” اغنيه جديدة بعنوان “Hey Hey Rise Up” لدعم الشعب الاوكرانى ضد العدوان الروسي عليه.
اغنيه Hey Hey Rise Up تعتبر اول اصدار رسمي لبينك فلويد من سنه 1994 و البوم “The Division Bell”، وتم تسجيلها يوم 30 مارس من السنة دي، و نزلت مصحوبه بكليب بيصور بعض معاناه الشعب الاوكراني فى الحرب.
و فى Hey Hey Rise Up بينك فلويد استخدموا Sample من المغني الاوكرانى “Andriy Khlyvnyuk” اللى قررر يقطع جولته الغنائيه فى امريكا و يرجع اوكرانيا يدعم بلاده فى الحرب و هناك نزل فيديو على انستاجرام بيغني فيه عن الحرب وبيعرض بعض المشاهد منها، و بينك فلويد اتفرجوا على الفيديو و قرروا هما كمان يدعموا القضيه بطريقتهم و يوصلوا صوت Andriy للعالم كله!
3/3 All proceeds from the song will go to Ukrainian Humanitarian Relief. https://t.co/i1l92D3AYU
— Pink Floyd (@pinkfloyd) April 7, 2022
لافته انسانيه لطيفه جداً من بينك فلويد خصوصاً بعد اختفائهم الطويل جداً، وكمان في بيان صحفي تم اصدارة مع الاغنيه أعلنت الباند ان كل ارباح الاغنيه هتروح للجمعيات الخيرية فى اوكرانيا و طلبوا من العالم كله يساعد الشعب الاوكرانى فى قضيته!
