ريد بُل، واللي قدمت فعاليات موسيقية من أنجح وأكثر إبتكار وإثارة في مصر، أعلنت أخيرًا عن لاين أب ساوند كلاش ٢٠٢٣. واللي مايعرفش ساوند كلاش، فـ ساوند كلاش معركة الموسيقى اللي بيتواجه فيها فرقتين وانتم بتكونوا في الوسط، علشان تشهدوا حدث عظيم وتقرروا مين اللي يكسب الكلاش.
لاين أب ٢٠٢٣ هو كلاش إسكندراني من الدرجة الأولى، بين الفريق صاحب الخبرة الكبيرة في معارك الساوند كلاش شارموفرز، وضيف جديد بمشاركته وكمان بلون المزيكا اللي بيظهر معانا لأول مرة في ساوند كلاش، عفروتو. ساوند كلاش مصر معروف من زمان انه مختلف جدا سواء من حيث الفرق المشاركة والجمهور وكمان المفاجأت اللي بتقدمها الفنانين والسنة دي هيكون مختلف أكتر بمشاركة اثنين من لون مزيكا مختلفين تمامًا عن بعض، ده غير لاين أب طويل وممتع على مدار اليوم بوجود ديسكو مصر والوايلي ودي جي فات سام.
فـ استعدوا ليوم خارج التوقعات في ١٢ مايو بمول مصر، علشان نشوف مين الفائز بالكلاش، شارموفرز أصحاب الخبرة، ولا سنة أولى كلاش عفروتو.
