طرحت تايلور سويفت ألبومها الجديد ” The Tortured Poets Department” اللي كانت أعلنت عن ميعاد نزوله في كلمتها بحفل الجرامي اللي فات في فبراير ٢٠٢٤. كانت قالت لجمهورها في حفلة في طوكيو ضمن جولتها الغنائية إنها شغالة عليه من سنتين تقريبًا. وكمان أضافت إنها بدأت تشتغل على ” The Tortured Poets Department” على طول بعد ما نزلت ألبوم “Midnight”.
فانز تايلور، كان عندهم شكوك إن اسم الألبوم ممكن يكون ليه علاقة “بجو ألوين” حبيبها السابق، بعد ما اتسرب اسم جروب دردشة له واللي كان اسمها “The Tortured Man Club”.
غلاف الألبوم أبيض وأسود، وتايلور نزلته على صفحتها على الإنستجرام بعد دقايق من ما أعلنت عن الألبوم. الصورة فيها تايلور لابسة تي شيرت أسود وبنطلون قصير وهي على سرير أبيض وبتحضن نفسها، ونص وشها باين.
كمان تايلور أعلنت عن نسخة تانية من الألبوم اسمها “The Bolter”، وفي نسخة تالتة اسمها “The Albatross” وبتتميز النسخة التالتة من الألبوم بغلافه الخاص وأبعاده اللي شكلها مستوحى من طائر بحري. وفي نسخة رابعة وأخيرة اسمها “The Black Dog”، والشعار بتاعها بيقول “العادات القديمة بتموت صراخا”.
قائمة أغاني الألبوم بتضم ١٦ أغنية. تايلور بتتعاون فيها مع بوست مالون في أغنية “Fortnight”، ومع فرقة فلورنس ذَ ماشين في أغنية “Florida”.
الألبوم اللي الكل كان مستنيه ده حطم التوقعات على Spotify، لأن صفحة العد التنازلي للألبوم كسرت الرقم القياسي لأعلى عمليات الحفظ المسبق، وده قبل إصدار تايلور للألبوم.
