خلاص؟ خلصنا أسبوع مليان شغل ومحاضرات! يبقى لازم نحتفل بالمزيكا … إحنا هنقول لكم تروحوا فين الويك إند ده.
الخميس ده دسم!!
عبدالباسط حمودة في ساقية الصاوي…
أولها مع حكمدار الأغنية الشعبية واللي هيكون لأول مرة في ساقية الصاوي.
لوكا والبطيخ & كهارب فى كايرو جاز كلوب…
سهرة مميزة من مزيكا الفولك مع لوكا والبطيخ والآداء اللذيذ من كهارب اللي هيعملوا ميكس واحد على مسرح كايرو جاز كلوب العجوزة.
Catz ‘n Dogz و ميستي في كايرو جاز كلوب ٦١٠…
الحفلة الخيرة من حفلات Transmission واللي هيكون فيها ميستي مع ضيوف من التشيك وهما Catz ‘n Dogz.
رامي دجانكي فى ذا تاب إيست…
من ذات تاب ويست رامي دجانكي على الميكسر هيخليك تنسى تعب الأسبوع كله بميكسات الهيب هوب والأر أند بي
Retrograde في ذا تاب ويست…
إلى ذا تاب إيست هنلاقي Retrograde band جاهزين بكوفرات لكل فرق الروك اللي بتحبوها.
بارانويد آيز فى رووم آرت سبيس…
رووم آرت سبيس جاردن سيتي برضة هتقدم سهرة رووك لكن جرعة مكثفة من أغاني بينك فلويد مع بارانويد آيز.
لي لي وإستبينا فى درب ١٧١٨…
أما اللي غاويين مزيكا هادية، استنوا لي لي وفرقة إستبينا في درب ١٧١٨ضمن برنامج مهرجان ٣٠٣١ للفنون.
الجمعة :
جدل وعزيز مرقة فى فاميلي بارك ميوزك أرينا…
الحدث الأهم! من عمان إلى فاميلي بارك ميوزك أرينا، جدل وعزيز مرقة، يعني الحماس والعياط والرقص وكل المشاعر اللي مالهاش علاقة بعض وهتحسها في نفس الوقت.
Closed Circuit فى كايرو جاز كلوب…
الجمعة المعتاده في كارو جاز كلوب العجوزة مع Closed Circuit، واللي هيكون فيها الإسبوع ده Los Profundos مع Aly Goede و Ashmawy.
Bubblegum Kollectiv في كايرو جاز كلوب ٦١٠…
النوستالجيا وفايبز التسعينات والرقص مقدمه بعناية من Bubblegum Kollectiv في كايرو جاز كلوب ٦١٠ بالشيخ زايد.
Raï-نا و 404Band في ساقية الصاوي…
فيوجن من الموسيقى هتعيشه بين مزيكا الراي والروك مش هتنساه ابدًا.
MANGABEYS في رووم آرت سبيس…
من شوارع شيفيلد ببريطانيا لشوارع جاردن سيتي بالقاهرة، Mangabayes جاهزين علشان يقدموا لكم أهم وأفضل أغانى Arctic Monkeys.
يارا طارق في رووم آرت سبيس القاهرة الجديدة…
هتغني يارا طارق شوية من أغانيها المفضلة على مدار السنين اللي فاتت، والتي شكلت شخصيتها وغيرت فهمها عن الموسيقى والحياة!
علي عيسى مع علي الشوربجي وتريسي في درب ١٧١٨…
بيستكمل درب ١٧١٨برنامج مهرجان ٣٠٣١ للفنون وبيستضيف علي عيسي وهيقدم مؤلفاته الأصلية اللي هتخادكم في رحلة روحانية لإكتشاف عاولم موسيقية جديدة وهيكون هيكون موجود علي الشوربجي وتريسي اللي هيقدموا جرعة خفيفة من مزيكتهم الأكوستيك.
السبت :
أسيا مدني في كايرو جاز كلوب…
مرسال الفلكلور السودانى أسيا مدني على مسرح كايرو جاز كلوب علشان تمتعنا بالفلكلور السوداني التقليدي والموسيقى الأفريقية.
ولجيز وسولجا في كايرو جاز كلوب 610…
فنان سوداني كمان بيظهر علي قايمتنا لحفلات الويك إند، الرابرز ولجيز وسلوجا بعد ما حفروا إسمهم في الساحة السودانية، هيقدموا حفلة في مصر في كايرو جاز كلوب 610 بالشيخ زايد، وهيشاركهم على المسرح اوزو وسواني وكلاف من مصر.
404Band & Hardcase في رووم آرت سبيس نيو كايرو…
رووم آرت سبيس بترفع شعار موسيقى الرووك طوال الويك إند، وهتشاركنا على مسرحها فرقتين من افضل فرق الرووك المستقلة المصرية وهيقدموا أكتر أغاني بتحبوها لأكبر فرق الرووك العالمية.
لوكا والبطيخ في درب ١٧١٨…
ختام مهرجان ٣٠٣١ للفنون هيكون بمزيكا حلوة من لوكا والبطيخ.
