دويتو مصري بين محمد صلاح و الموزع المصري أحمد الغازولي، و المعروف عالمياً بـ ZULI, في أحدث حملة إعلانية لـ مجلةGQ البريطانية بالتعاون مع Gucci.
View this post on Instagram
Contents
الحملة بعنوان “A Hero’s Journey” هي سلسلة مشتركة بين Gucci و GQ بتركز فيها على ألمع المواهب و الشخصيات العالمية و الكلام عن تجاربهم الشخصية و مدى النجاح اللي حققوه.
بيبدأ الإعلان ب محمد صلاح في مؤتمر صحفي و بيتوجهله اسئلة كتير بيجاوب فيها على طريقته في التعامل مع التحديات و ازاي بيبعد ذهنياً الضغط من عليه و أمثل طريقه للتعامل معاه.
“لو حد عايز ينجح فعلاً، لازم يتقبل فكرة انه ميبقاش مرتاح، لازم يغير من فكره و يطلع برا نطاق الراحة الخاص بيه.”
بيتم النظر لـ محمد صلاح في الفترة الأخير مش بس كلاعب كرة قدم عالمي، بل أصبح شخصية عامة و قدوة كبيرة في مختلف النواحي و ده بيظهر من التركيز الموضوع عليه دايماً و الإهتمام الشديد لفهم عقليته الإحترافية سواء في الجانب الرياضي أو في الحياة اليومية.
