في مفاجأة غير متوقعة، اعلنت ريد بُل عن رجوع ساوند كلاش بعد غياب ٤ سنين.
بدون أي تفاصيل عن المشاركين أو عدد الحفلات، نشرت ريد بُل عن ميعاد ساوند كلاش ٢٠٢٣ واللي هيقام يوم ١٢ مايو في مول مصر. وفي انتظار الاعلان عن باقي التفاصيل.
View this post on Instagram
نسخة ٢٠٢٣ تعتبر الخامسة في تاريخ ساوند كلاش مصر، المواجهة الأولى كانت بين فرقتين وسط البلد وكايروكي في ٢٠١٣، والثانية كانت في ٢٠١٥ بين كايروكي وشارموفرز، و الثالثة كانت في ٢٠١٧ بين شارموفرز و مسار إجباري، إنما الرابعة في ٢٠١٩ كانت الأقوى، وشوفنافيها ٣ حفلات بين اخر زفير واوتوستراد، وجدل ووسط البلد، وعزيز مرقة وشارموفرز.
حفلات ساوند كلاش مش زي أي حفلة تانية، والمزيكا اللي بتسمعها هناك عمرك ما هتسمعها في أي مكان تاني، لأن كل فريق بيقدم أغنياتالفريق التاني بطريقته الخاصة، وبيلعب أغنياته نفسها بتوزيع مختلف عن المعتاد، وأخيرًا بيقوموا بدعوة واحد من النجوم الكبار يغني معاهمعلى المسرح، ويبقى الكارت الكسبان اللي يحسم بيه أخر جولة.
