بعد إنتهاء الموسم الثاني من ريدبل مزيكا صالونات، بتفاجئنا ريدبل بحلقة بونص بتجمع بين النجمة سيمون والفنان وائل علاء (نيو بيرد) وصاحب شخصية دكتور ألفونس.
واللي ميعرفش عن “ريدبل مزيكا صالونات”، ف البرنامج بيجمع إثنين أو أكثر من فنان مختلفين في نوع الموسيقى، أو مغني وموزع موسيقي ولمدة 8 ساعات من التحضير والأفكار عشان تكون النتيجة في اخر التجربة نتاج موسيقي متكامل على شكل أغنية.
الموسم الثاني من ريد بُل مزيكا صالونات كان انتهى في نصف شهر مارس و استضاف فنانين كتير منهم مروان موسي و حميد الشاعري، وزة منتصر و محمود الليثي و ناس تانية كتير و اخر حلقة كانت من أقوى حلقات الموسم اللي جمعت بين “محمود التهامي” والموزع “مولوتوف”.
بتقدم ريدبل حلقة إضافية، وفي الحلقة دي كان التجربة مختلفة بين الفنانين، واللي كانت فيها مدة الـ8 ساعات قليلة عليهم لدرجة إنهم إضطروا يسجلوا الأغنية بعدها وعلى غير العادة.
سيمون فنانة مصرية متميزة سواء في الغناء أو التمثيل، ومن أشهر أغانيها: ماشية وساعتي مش مظبوطة، مش نظرة وابتسامة، بتكلم جد مع الكابو حميد الشاعري واحد من ضيوف ريد بُل مزيكا صالونات.
وعن وائل علاء فـ هو مخرج وممثل ومبتكر الشخصية الافتراضية دكتور ألفونس، اللي من أشهر أغانيه: أنا مش بنجرح، والشتا جاي، وشيلت النونة في حضني.
