مسلسل الحشاشين من بطولة كريم عبد العزيز بدور حسن الصباح رئيس جماعة الحشاشين و بيشاركه البطولة احمد عيد، فتحى عبد الوهاب، نيقولا معوض، ميرنا نور الدين و سوزان نجم الدين. من تأليف عبد الرحيم كمال و إخراج بيتر ميمى. المسلسل من إنتاج سينرجى و اتصور فى اوروبا و أسيا و أفريقيا.
الاحداث بتدور فى القرن 11 ميلادى فى بلاد فارس عن شيخ الجبل و سيد قلعة الموت حسن الصباح اللى أسس فرقة سماها “الفدائيين” من المخلصين للعقيدة الاسماعيلية و قدروا يغتالوا كتير من الشخصيات المهمة فى الوقت ده و اتقال عنهم ” رجال لا يأبهون بالموت في سبيل تحقيق هدفهم”. المسلسل بيحكى عن حسن الصباح بداية من طفولته و ازاى كان متميز عن كل اللى فى سنه مرورا بإقامته فى مصر ثم هروبه إلى اصفهان و دعوته للشباب للانضمام لجماعته خلال رحلته و ازاى اوهمهم انه بيملك مفاتيح الجنة.
و مع عرض اول حلقة من المسلسل اتقابل بإعجاب كبير من الجمهور اللى كانوا منبهرين بالتصوير خصوصا المشاهد الخارجية لكن المسلسل اتقدم باللغة العامية و ده اللى ضايق بعض الاشخاص اللى شايفين ان المسلسل التاريخى لازم يكون بالفصحى.
شير المقالة
