مدينة الإسكندرية بتفتح أبوابها من جديد لكل محبي مسار إجباري، والمرة دي في حفلة مختلفة وتجربة جديدة للجمهور. وإحنا بنقولك ليه لازم متفوتش حفلة زي دي.
١- إحنا في بداية الخريف ودائمًا بيرتبط معانا بالمزيكا، ومفيش أحسن من مزيكا مسار إجباري نبدأ بيها فصل الخريف.
٢- الحفلة على البحر، يعني المتعة مضروبة في اتنين.
٣- دائمًا حفلات مسار إجباري في الإسكندرية بيكون ليها طابع مميز.
٤- الزي الرسمي للحفلة باللون الأسود، وده وقار في حد ذاته وهتمشي ثقتك عاليه.
٥- هل في سبب يمنعك من إنك تسمع صولوهات جيتار محمود صيام على البحر؟
٦- تراك ليست الحفلة هيكون طويل جدًا، واحتمال كبير أغاني من الألبوم الجديد تتلعب لأول مرة لايف، ودي تبقى فرصة إنك تكون حافظ الأغاني من قبل ما تنزل وتفليكس بيها على صحابك.
٧- بروفايل إنستجرام بتاعك محتاج صور حفلة جديدة.
٨- كلنا عارفين إن أغاني مسار إجباري مناسبة لأي موود، يعني هتلاقي أغاني تواسيك لو كنت مرتبط، سينجل، لسه مفركش، فرحان، حزين، وإلخ …
٩- متقلقش لو رايح لوحدك، هتلاقي أكيد ناس بتحب نفسك المزيكا اللي بتحبها وهتبقوا صحاب.
١٠- ايه ده! بعد كل ده ولسه مقتنعتش ومستني سبب عاشر؟
الحق اشتري تذاكر الحفل المتاحة في جيمع فروع (مشروع ياسمين – نوتوبيا – بك أند جو) بالإسكندرية. ومتاح طلب التذاكر أونلاين من موقع هنا.
