لو كنت من اللي حضروا ريد بُل ساوند كلاش قبل كدة، ده معناه انك عارف يعني ايه Wild Card! نقدر نعتبر الـ Wild Card مفاجأة الليلة، السر الكبير اللي ماحدش بيعرفه، الضيف الخفي كالرجل العنابي ومنقذ الجماهير… إلخ.
معروف إن الجولة الأخيرة في منافسات ريد بُل ساوند كلاش هي الـ Wild Card، وفيها يستعين الفرق بمغني أو مغنية من اختيارهم علشان يشاركوهم المسرح.
خلينا نفتكر الضيوف اللي كانوا معانا على مر السنين في ريد بُل ساوند كلاش مصر:
١. في ريد بُل ساوند كلاش ٢٠١٣، حكيم كان ضيف “كايروكي”، وأحمد عدوية كان ضيف “وسط البلد”.
٢. نجوم المهرجان أوكا وأروتيجا وشحتة كاريكا كانوا ضيوف “شارموفرز” في ريد بُل ساوند كلاش ٢٠١٥، وعبد الرحمن رشدي ضيف “كايروكي”.
٣. مفاجأة مسار إجباري لجمهور ريد بل ساوند كلاش ٢٠١٧، الراجل اللي لعب بالزهر، أحمد شيبه، وشارموفرز عملوها تاني أجمد واستعانوا بأسطورة موسيقى الراي، الشاب خالد.
٤. أما في ٢٠١٩ حضرنا ٨ وايلد كارد في ٣ أيام، بداية من آخر زفير وأوتوستراد اللي قدموا لنا محمود الليثي ورامي صبري، وكمان وسط البلد وجدل اللي لأول مرة استعانوا بـ٢ وايلد كارد هما ملك الأورج محمد عبدالسلام وأبو الليف، واللي كل البنات بتحبه حسام حسني والصواريخ، وختمناها بـ هشام عباس وحميد الشاعري من شارموفرز وأمين بابيلون من عزيز مرقة.
وكي لا ننسى، وللتذكير، سنوب دوغ بذات نفسه وقف على مسرح ساوند كلاش وكان أقوى Wild Card بالتاريخ!
مع وجود شارموفز اللي كل مرة بيرفعوا سقف التوقعات وكمان عفروتو اللي بيشارك لأول مرة في معركة ساوند كلاش وأكيد هيثبت نفسه بقوة، تفتكروا مين هيكونوا الـ Wild Cards المرة دي؟! لو لسة ملحقتش تذكرتك لريد بُل ساوند كلاش .تقدر تطلبها من أبلكيشن طلبات
