“الهرشة السابعة” يجمع الوايلي وسمر طارق مرة تانية بأغنية “لو”

تعاون جديد يجمع الوايلي وسمر طارق بعد أغنية “عتمة” واللي تم إصدارها السنة اللي فاتت، والسنة دي بيقدموا سوا أغنية “لو” الخاصة بمسلسل “الهرشة السابعة”.

بالرغم من إن “لو” مش أول مشاركة للوايلي ضمن قائمة أغاني المسلسل، لأن سمعنا أغاني زي “القاهرة” و “بيكيا”  مع دنيا وائل، وكمان “ليه بتضايق” مع زياد ظاظا، لكن “لو” بالتعاون مع سمر طارق تم تقديمها بشكل رسمي كأغنية خاصة للمسلسل ضمن قائمة أغاني الحلقة التاسعة، ومن كلمات وألحان سمر وتوزيع موسيقي للوايلي.

“لو” بيغلب عليها طابع الحزن وده بيظهر في الكلمات اللي بتعبر عنها سمر كشخص بيتكلم مع نفسه عن الفرص الضائعة في الحياة، والصراع الداخلي بين معنى أي شعور جوانا، وساعد على ظهور ده أكتر موسيقى الوايلي اللي استخدم فيها إيقاع ملفوف بطئ وإضافة سينثاته المعتادة. الأغنية الممتاحة دلوقتي على كل منصات الإستماع، وأعلنت سمر عن فيديو مصور لها قريبًا.