النهاردة اليوم المنتظر، حفلة مسار إجباري في أليكس أرينا، واللي هيلعبوا فيها أغاني بتوزيعات مختلفة وكمان تراك ليست طويلة جدًا. هنحاول نساعدك تخلي تجربتك في اليوم ده أجمد.
١- يومك طويل والمزيكا مش هتقف، خد معاك Power Bank أو موبايل احتياطي عشان متفصلش لو الموبايل فصل!
٢- اعمل حسابك تكون لابس اسود.
٣- الحفلة طويلة، فـ أحسن لك تلبس كوتشي مريح وفكك من الجزم الكبيرة او العالية علشان متلاقيش نفسك قاعد على الأرض طول الحفلة.
٤- محتاجين منك كل طاقتك في الرقص ف لازم تأكل كويس قبل ما تيجي.
٥- لازم تروح وأنت مراجع الأغاني كلها علشان متلاقيش نفسك واقف وسط الناس بتصفق وبس، لأن ساعتها اكيد مش هتكون مبسوط.
٦- الخريف خلاص يعتبر بدأ والحفلة على البحر، فـ خلي معاك جاكيت احتياطي يحميك من لسعة البرد اللي بتيجي اخر الليل.
٧- ممنوع دخول الكاميرات، لكن لو بتحب توثق اللحظات وتصورها متشيلش هم، فريق Scene Plus هيكون موجودة في كل مكان في الحفلة وهيسجل لك كل لحظة.
٨ – خلي قلبك جامد وجاهز لأي مفاجأة.
٩- لو شُفت اي حد قدامك مش بيرقص اوعى تسيبه كده وخليه يرقص بالعافية
١٠- لو من الناس اللي بتحب تستنى للحظات الأخيرة، متقلقش. في تذاكر متاحة يوم الحفلة.
