بدون جدال، موهبة كانييه ويست الفنية قدرت تغير مسار صناعة نوع موسيقى بأكمله، ومنقدرش ننكر قد ايه تجربته خلال الـ ٢٠ سنة الآخيرة كانت مصدر إلهام لأجيال كتير. وده اللي دفع جامعة كونكورديا الكندية إنها تقدم كانييه كمادة دراسية في كورس عنه.
لكن المميز في الموضع إن اللي هيقدم الكورس ده ياسين السلمان أو نعرفه أكثر بإسم نارسي. الرابر والمؤلف العراقي المقيم بكندا ومؤسس Shelonak Records واللي برضه اللي الناس متعرفوش عنه هو كونه أستاذ في جامعة كونكورديا في مونتريال.
في ٢٠٢٢ كانييه ويست كان الموضع الأكثر شيوعًا في العالم بسبب آخر تطورات حياته الإجتماعية وعلى الناحية الموسيقية إصداره لألبوم “دوندا” وخاصًا بعد الفيلم الوثائقي اللي أنتجته شركة نيتفلكس بعنوان “jeen-yuhs: A Kanye Trilogy”، وبالرغم من أن الفيلم الوثائقي أعطى فكرة جديدة عن قصة يي، إلا أنه مش كفاية علشان نتعرف على ظاهرة الهيب هوب. ودلوقت بيتم تحويل رحلته إلى منهج جامعي.
View this post on Instagram
هيتم تقديم الدورة أونلاين وهتكون بعنوان “Kanye vs. Ye: Genius by Design” في جامعة كونكورديا في مونتريال، وهتسلط الضوء على تطور كانييه ويست وتأثيره الثقافي. هيقدم الكورس تأثير يي على الفن والموسيقى والموضة والثقافة وازاي هو قدر إنه يغير في أي صناعة شارك فيها.
بيستعد حاليًا نارسي لوضع اللمسات الأخيرة ألبومه الجديد “IRAQAFELLA” اللي أعلن عنه مع بداية السنة دي، ومهد له بأغنيه أصدرها الإسبوع اللي فات بتحمل نفس الإسم.
View this post on Instagram
